ტელეგრაფი

პროექტის შესახებ

გასული საუკუნის 70-იან წლებში არქიტექტორების ლადო 1970-იან წლებში არქიტექტორების ლადო ალექსი-მესხიშვილისა და თეიმურაზ მიქაშავიძის მიერ დაპროექტებული ტელეგრაფის შენობა თავისი დროის არქიტექტურული ღირსშესანიშნაობაა და რესპუბლიკის მოედნის განაშენიანების ერთიანი გეგმის მნიშვნელოვან ნაწილს წარმოადგენს. მისი რეკონსტრუქცია, რომელიც მსოფლიოში ცნობილი არქიტექტურული დიზაინის სტუდიის Neri & Hu-ს მიერ განხორციელდა, შენობის ორიგინალური დიზაინის, მათ შორის ბოლნისის ტუფით მოპირკეთებული ფასადის, შენარჩუნებით წარიმართა და მას თანამედროვე ინტერიერი დაამატა.

2024 წლის ნოემბერში, სილქ ჰოსფითალითის მართვაში, ტელეგრაფი გახდა პირველი სასტუმრო საქართველოში და რეგიონში, რომელიც შეუერთდა The Leading Hotels of the World (LHW)-ს, რაც ელიტური სტუმარ-მასპინძლობის გლობალური სიმბოლოა.

სასტუმროში განსხვავებული კონცეფციის 6 რესტორანი, ჯაზკლუბი, ბარები და საბანკეტო-საკონფერენციო დარბაზი განთავსდება. ტელეგრაფის ელეგანტური, ყველა დროისთვის გამორჩეული არქიტექტურა და ინოვაციური მომსახურების სტანდარტები დაუმკვიდრებს მას ღირსშესანიშნავ ადგილს საქართველოს სტუმარ-მასპინძლობის ბაზარზე და აქცევს ძლიერი მიზიდულობის ცენტრად, როგორც ადგილობრივი მოსახლეობისთვის, ისე თბილისში ჩამოსული სტუმრებისთვის.