რადისონ ბლუ ივერია

რადისონ ბლუ ივერია საქართველოს დედაქალაქში, თბილისში, მდებარეობს და მდინარე მტკვარს გადაჰყურებს, რაც მისი ფანჯრებიდან გაშლილ ხედებს კიდევ უფრო მეტ მიმზიდველობას მატებს. მას გამორჩეული მდებარეობა აქვს: ერთი ნაბიჯი სასტუმროდან და თქვენ უკვე ქალაქის ცენტრალურ გამზირზე, რუსთაველზე აღმოჩნდებით, სადაც გემრიელი ვახშმის, შოპინგისა თუ ღამის ცხოვრების მრავალფეროვანი არჩევანი გელოდებათ. სასტუმროში შეგიძლიათ რესტორან ფილინიში მომზადებული იტალიური სამზარეულოს ან რესტორან უმამის აზიური კერძები დააგემოვნოთ. კაფე ივერიაში უგემრიელესი ნამცხვრები და ყავა მიირთვათ, ან ივერია ტერასაზე, ღია ცის ქვეშ ისიამოვნოთ რადისონის შეფების უგემრიელესი სამზარეულოთი, შემდეგ კი იღბალი სამორინე ივერიაში გამოსცადოთ, რომელიც სასტუმროს გვერდითვე მდებარეობს.