მწვანე კონცხი ბოტანიკო

პროექტის შესახებ

მწვანე კონცხი ბოტანიკო მდებარეობს ბათუმის მახლობლად, ბოტანიკური ბაღიდან ფეხით 2 წუთის სავალზე, ხოლო ბათუმის ცენტრიდან მხოლოდ 9 კმ-ის მოშორებით. მისი მშენებლობა 2023 წელს დასრულდა. კომპლექსი ორ 7-სართულიან საცხოვრებელ კორპუსსა და ერთ გამაჯანსაღებელ და სარელაქსაციო შენობას მოიცავს. კომპლექსის 80-ვე ბინა გამოირჩევა უზარმაზარი ვიტრაჟული ფანჯრებით, რომლებიც შავი ზღვისა და ბუნებრივი ლანდშაფტის საუცხოო ხედებს შლის.  შენობები განსაკუთრებულად ერწყმის მარადმწვანე სუბტროპიკულ გარემოს და მთლიანად ჩაფლულია ბუნებაში, რაც მაცხოვრებლებისა და ვიზიტორებისთვის ჰარმონიული და მშვიდი დასვენების წინაპირობაა. 

პროექტის გენერალური გეგმა, არქიტექტურა, ინტერიერისა და ლანდშაფტის დიზაინი არქიტექტურულმა კომპანია MUA Architecture & Placemaking-მა შექმნა. მთავარი კონცეფცია შენობებისა და უნიკალური სუბტროპიკული ლანდშაფტის ჰარმონიულ შერწყმას ეფუძნება, რათა მაცხოვრებლებსა და ვიზიტორებს ბუნებასთან სიახლოვისა და ჰარმონიის განსაკუთრებული განცდა შეუქმნას.

საცხოვრებელ ბინებთან ერთად, კომპლექსი აერთიანებს სრულ ინფრასტრუქტურას  კომფორტული და მშვიდი დასვენებისთვის. აქ განთავსებულია კაფე,  ბარი, საცურაო აუზები, ფიტნეს დარბაზი და სპა ცენტრი, რომლებიც ხელმისაწვდომია როგორც მაცხოვრებლებისთვის, ისე დამსვენებლებისთვის. 

მწვანე კონცხი ბოტანიკო არის ადგილი, სადაც შესაძლებელია როგორც სრულად გარემონტებული ბინის შეძენა, ასევე, ქირაობა, კაფე „ბოტანიკოს“ სტუმრობა, რომელიც ქართულ და ევროპულ კერძებს აერთიანებს, აუზიდან კი შავი ზღვის ჰორიზონტის გასაოცარი ხედებით ტკბობა და განსაკუთრებული კოქტეილების დაგემოვნება.