ბათუმში 20,000 მ²-იანი მუნიციპალური პარკის მშენებლობა აქტიურად გრძელდება

სილქ დეველოპმენტი აქტიურად აგრძელებს 20,000 მ² ფართობის მქონე მუნიციპალური პარკის მშენებლობას ბათუმში, პროექტის, რომელიც მიზნად ისახავს ქალაქის ინფრასტრუქტურის გამრავალფეროვნებას და მოსახლეობისთვის ხარისხიანი და კომფორტული საზოგადოებრივი სივრცის შექმნას.

პარკი მოიცავს სხვადასხვა ფუნქციურ ზონას, მათ შორის სპორტულ მოედნებს, პადელის კორტებს, დასასვენებელ სივრცეებსა და სასეირნო ბილიკებს. განსაკუთრებული ყურადღება ეთმობა გამწვანებას - პარკის ლანდშაფტში გაერთიანებული იქნება 210-ზე მეტი სახეობის ადგილობრივი და უცხოური მცენარე, მათ შორის დიდყვავილა მაგნოლია, გარდენია, კალისტემონე, ბუტია კაპიტატა და სხვა.

პროექტის კონცეფცია და დიზაინი შეიმუშავა წამყვანმა დანიურმა ლანდშაფტის არქიტექტურულმა სტუდიამ MASU Planning, რომელიც ცნობილია ადგილობრივი იდენტობისა და გარემოს სპეციფიკის შენარჩუნებაზე ორიენტირებული მიდგომით. სწორედ ეს ფილოსოფია უზრუნველყოფს პარკის ჰარმონიულ ჩართვას ბათუმის ურბანულ და ბუნებრივ კონტექსტში.

პროექტი სილქ დეველოპმენტის ურბანული განვითარების სტრატეგიის ნაწილია და მიზნად ისახავს ისეთი სივრცეების შექმნას, რომლებიც ასახავენ ქალაქის ხასიათს, აერთიანებენ ადამიანებს და ხელს უწყობენ მათი ცხოვრების ხარისხის გაუმჯობესებას.